கிடுகிடுவென உயரும் தங்கத்தின் விலை!!

சர்வதேச நிலவரத்துக்கு ஏற்ப தங்கத்தின் விலை அவ்வப்போது ஏற்ற இறக்கங்களை சந்தித்து வருகிறது. அதன்படி, மாறி மாறி ஏற்ற இறக்கங்களை சந்தித்து வரும் தங்கத்தின் விலை தற்போது, தொடர்ந்து அதிகரித்து வருகிறது.

அந்த வகையில், நேற்று ஒரே நாளில் ₹560 அதிகரித்துள்ளது. அதனைத் தொடர்ந்து, இன்றும் ஆபரணத் தங்கத்தின் விலை அதிரடியாக அதிகரித்துள்ளது. இன்று ஆபரணத் தங்கம் கிராமுக்கு ₹60 அதிகரித்துள்ளது. அதனால், நேற்று ₹4,775 க்கு விற்கப்பட்ட ஒரு கிராம் ஆபரணத் தங்கம் இன்று ₹4,835 க்கு விற்கப்படுகிறது.

மேலும், ஒரு சவரன் ஆபரணத் தங்கத்தின் விலையும் ₹480 அதிகரித்துள்ளது. இதனால், நேற்று ₹38,200 க்கு விற்கப்பட்ட ஒரு சவரன் ஆபரணத் தங்கம் இன்று ₹38,680 க்கு விற்கப்படுகிறது.