இல்லத்தரசிகள் அதிர்ச்சி!! தொடர்ந்து உயர்ந்து வரும் தக்காளி, வெங்காயத்தின் விலை!!

காய்கறிகளின் விலை அந்தந்த கால நிலைக்கு ஏற்ப ஏறி இறங்குவது வழக்கம். அதிலும், தக்காளி, வெங்காயத்தின் விலை குறைவாக இருந்தவாறே இருக்கும் நிலையில் திடீரென எகிறிவிடும். கடந்த இரண்டு மாதங்களுக்கு முன்பு தக்காளி பழம் கிலோ ₹5 வரை விலை குறைந்து விற்கப்பட்டது.

கடந்த சில தினங்களாக தக்காளி பழங்களின் விலை கிலோ ₹100 ஐ தாண்டி விற்பனை செய்யப்படுகிறது. இந்நிலையில், சென்னையில் உள்ள 82 நியாய விலை கடைகளில் குறைந்த விலையில் தக்காளி விற்பனை தொடங்கப்பட்டது. எனினும் பிற கடைகளில் தக்காளி ஒரு கிலோ ₹130 க்கு விற்பனை செய்யப்பட்டது.

இந்நிலையில், இன்று ஒரு கிலோ தக்காளி ₹120, வெங்காயம் ₹140, இஞ்சி ₹260, பச்சை மிளகாய் ₹80, பீன்ஸ் ₹90, கேரட் ₹60 விற்பனை செய்யப்படுகிறது. இந்நிலையில், தக்காளி மற்றும் வெங்காயத்தின் விலை உயர்வு குறித்து பொதுமக்கள் தொடர் அதிர்ச்சியில் உள்ளனர்.