இல்லத்தரசிகள் அதிர்ச்சி!! மீண்டும் மீண்டும் அதிரடியாக அதிகரித்து வரும் தக்காளியின் விலை!!

காய்கறிகளின் விலை அந்தந்த கால நிலைக்கு ஏற்ப ஏறி இறங்குவது வழக்கம். அதிலும், தக்காளி, வெங்காயத்தின் விலை குறைவாக இருந்தவாறே இருக்கும் நிலையில் திடீரென எகிறிவிடும். கடந்த இரண்டு மாதங்களுக்கு முன்பு தக்காளி பழம் கிலோ ₹5 வரை விலை குறைந்து விற்கப்பட்டது.

கடந்த சில தினங்களாக தக்காளி பழங்களின் விலை கிலோ ₹100 ஐ தாண்டி விற்பனை செய்யப்படுகிறது. இந்நிலையில், நேற்று சென்னையில் உள்ள 82 நியாய விலை கடைகளில் குறைந்த விலையில் தக்காளி விற்பனை தொடங்கப்பட்டது. எனினும் மற்ற கடைகளில் தக்காளி ஒரு கிலோ ₹130 க்கு விற்பனை செய்யப்பட்டது.

அதனால், பிற மாவட்ட மக்கள் அனைத்து மாவட்ட ரேஷன் கடைகளிலும் தக்காளி விற்பனை செய்யப்பட வேண்டும் என்று கோரிக்கை விடுத்தனர். இந்நிலையில், இன்று ஒரே நாளில் கிலோவுக்கு ₹20 அதிகரித்துள்ளது. அதனால் இன்று தக்காளியின் விலை ஒரு கிலோ ₹150 க்கு விற்கப்படுகிறது. இதனால் பொதுமக்கள் அதிர்ச்சியில் உள்ளனர்.