அதிர்ச்சியில் பொதுமக்கள்!! தங்கத்துடன் போட்டியிடும் தக்காளியின் விலை!!

காய்கறிகளின் விலை அந்தந்த கால நிலைக்கு ஏற்ப ஏறி இறங்குவது வழக்கம். அதிலும், தக்காளி, வெங்காயத்தின் விலை குறைவாக இருந்தவாறே இருக்கும் நிலையில் திடீரென எகிறிவிடும். அந்த வகையில், தற்போது தக்காளி, சின்ன வெங்காயம் மற்றும் இஞ்சியின் விலை அதிரடியாக அதிகரித்து செய்திகளில் பேசு பொருளாக மாறியுள்ளது.

வரத்து குறைவால் கடந்த இரண்டு வாரங்களாக அதிரடியாக அதிகரித்த தக்காளியின் விலை ₹100 ஐ தாண்டி விற்பனை செய்யப்பட்டது. அதிகபட்சமாக ₹150 வரை அதிகரித்த தக்காளியின் விலை அதன் பின்னர் படிப்படியாக குறைந்தது. தற்போது, சென்னையில் தக்காளி ஒரு கிலோ ₹160 முதல் ₹180 வரை விற்கப்படுகிறது.

கர்நாடகா, ஆந்திரா மாநிலங்களில் தக்காளியை வாங்க வடமாநில வணிகர்கள் அதிக ஆர்வம் காட்டுவதால் தமிழ்நாட்டிற்கு வரத்து குறைந்துள்ளது. இதனால் விளைச்சல் அதிகரிக்காமல் தக்காளியின் விலை குறைய வாய்ப்பில்லை என்று வணிகர்கள் தெரிவித்துள்ளனர்.